Le sall 1973 le sharokey Sengaw, le başr Kurdstan le dayik bm. Xiwndin seretaym lew sharokeye tewaw krdiwe, le sall 1986 ume şar Silman lew xiwndin nawend amadeym tewaw krduwe. Pashan le salli 1993 le zankoy Sellaḧeddn wergiram,le kolji Endaziyar, beş Mkank.

Herend zor peroş xwndin mzk bm, bellam derfet ewem bo nerexsa ke bichme peymangayek yan zankoyeki taybet be huneri mzk, bellam legell eweşda b umd nebm twanm bediwayi xulyay mzkda biim, ewebu le sall yekem xwndin zanikoda, nizktirn hawriy xomim nasi, ewş jeniyar viyoln Blend Qeredaxi b, le rgeyi ewewe tiwanm end muzkjenk lhat binasem, ewanş Goran Kaml ke sta berwberi kare huneryekani mine , herweha Zana Meḧmud Hejar Sebaḧ Sentr endan dke.

Sall yekemim le Zanko pir b le alak biwari gorani u mzk, katk tpki muzkman damezirand be naw "Zanko ", ke min yekk le goranbje serekyekan ew tpe bm, ew alakyaney sallane le Zanko dekran, legel Blend tiyayda beşdar debm, lelayen amadebiwanewe pşwaz gerim le kare huneryekanim dekra, lew katewe ziyatir şeyday muzk bm. hwerweha le tpi Koral Zankoy Silman, bo maweyek karim kirduwe.

Le sall 1993 bo car yekem be şweyek rastewxo, leser text şano le Zanko goranm wut le festivali sallaney zankoda. Diwatir legel tpi mzki folkilori kurd le Silman beşdar end alakyekim kird.

Le sallan 1995-1998 le radiyo televizyone nawxoyekan end goranyekim tomarkrd, diyartrnyan "Xelwet" le awaz mzki Zana Meḧmnud Hejar, diwatirş goran "Herwaye" le amdekirdin u mzki Goran Kaml , bediwayanda end goraniyeki dikesh.

Le sall 1998 Zankom tewaw krd bo maweyi nzkeyi 16 mang, le kenall televziyon "Xak" destim kird be karkirdin.

Le oktober 1999, Kurdistanm chşt le England cgrbm.

Diway maweyk dabiran le kar huner, bo car yekem be pşit bestin be tiwanakan xom, tiwanm end tkstk goran binsm yekem elbm goranm benaw "Dilim Meshkne" le sall 2003 billaw bikemewe, ke yekem ezimni min b le biwari awazdanan nsn tkst goranda, dilxoş bm le encam ew elbmem ew pşwazyeyi ke ly kira, emeş wayi krd tkst dke binsm elbm dke billaw bikemewe.

"Xemk b kotay" "malaway" d elbm goranm bn ke le sallan 2004 2006 billaw kiranewe, diway ewe briyarm da kar legel awazdaner Helkewt Zahr bikem, ke le sall 2009 da elbmk goranym le rgeyi ew awazdanerwe, be naw "Mom" billaw kirdewe, emeş yekem ezimnim b diwayi d elbm pştirm ke tkriayi goranyekan le awaz tkst xom nebt, le sall 2011, elbmk niwy goranm beb naw billaw krdewe zorney goranyekan le tksti xom bn.

Le kotayda demewt zor supasi hemu ew mzkjen edb tkistns sponser, hawr nizkekanem bikem, ke bedirjay jiyan hunerm hawkarm bn. Herweha supasi taybetm arastey ew kesane dekem ke lreda nawyanm nehnawe.

Rz xoşewistm heye bo hemu hunerdostan, betaybet bo giwegirekanim.

 

-------------------------------------------------------------------------------------------------------

له‌ ساڵی ۱۹۷۳ له‌ شارۆچکه‌ی سه‌نگاو، له‌ باشووری کوردستان له‌ دایک بووم. خوێندنی سه‌ره‌تایم له‌و شارۆچکه‌یه‌ ته‌واو کردووه‌، له‌ ساڵی ۱۹۸٦ چومه‌ شاری سلێمانی و له‌وێ خوێندنی ناوه‌ندی و ئاماده‌یم ته‌واو کردووه‌. پاشان له‌ ساڵی ۱۹۹۳ له‌ زانکۆی سه‌ڵاحه‌دین وه‌رگیرام، له‌ کۆلێژی ئه‌ندازیاری، به‌شی میکانیک

هه‌رچه‌ند زۆر په‌رۆشی خوێندنی موزیک بووم، به‌ڵام ده‌رفه‌تی ئه‌وه‌م بۆ نه‌ره‌خسا که‌ بچمه‌ په‌یمانگایه‌ک یان زانکۆیه‌کی تایبه‌ت به‌ هونه‌ری موزیک، به‌ڵام له‌گه‌ڵ ئه‌وه‌شدا بێ ئومێد نه‌بووم و توانیم به‌دوای خولیای موزیکدا بچم، ئه‌وه‌بو له‌ ساڵی یه‌که‌می خوێندنی زانکۆدا، نزیکترین هاورێی خۆمم ناسی، ئه‌و
یش ژه‌نیاری ڤیۆلین بڵند قه‌ره‌داخی بوو، له‌ ڕێگه‌ی ئه‌وه‌وه‌ توانیم چه‌ند موزیکژه‌نێکی لێهاتوو بناسم، ئه‌وانیش گۆران کامیل که‌ ئێستا به‌رێوبه‌ری کاره‌ هونه‌ریه‌کانی منه‌ ، هه‌روه‌ها زانا مه‌حمود هه‌ژار و سه‌باحی سه‌نتوور و چه‌ندانی دیكه‌

ساڵی یه‌که‌مم له‌ زانکۆ پر بوو له‌ چالاکی بواری گۆرانی و موزیک، کاتێک تیپێکی
میوزیکیمان دامه‌زراند به‌ ناوی "زانکۆ "، که‌ من یه‌کێک له‌ گۆرانیبێژه‌ سه‌ره‌کیه‌کانی ئه‌و تیپه‌ بووم، ئه‌و چالاکیانه‌ی ساڵانه‌ له‌ زانکۆ ده‌کران، له‌گه‌ل بڵند تیایدا به‌شدار ده‌بووم، له‌لایه‌ن ئاماده‌بوانه‌وه‌ پێشوازی گه‌رم له‌ کاره‌ هونه‌ریه‌کانم ده‌کرا، له‌و کاته‌وه‌ زیاتر شه‌یدای میوزیک بووم. وه‌هه‌روه‌ها له‌ تیپی کۆراڵی زانکۆی سلێمانی، بۆ ماوه‌یه‌ک کارم کردووه‌

له‌ ساڵی ۱۹۹۳ بۆ جاری یه‌که‌م به‌ شێوه‌یه‌کی ڕاسته‌وخۆ، له‌سه‌ر ته‌ختی شانۆ له‌ زانکۆ گۆرانیم ووت له‌ فه‌ستیڤالی ساڵانه‌ی زانکۆدا. دواتر له‌گه‌ل تیپی
میوزیکی فۆلکلۆری کورد له‌ سلێمانی به‌شداری چه‌ند چالاکیه‌کم کرد

له‌ ساڵانی ۱۹۹۸-۱۹۹٥ له‌ ڕادیۆ و ته‌له‌
فیزیۆنه‌ ناوخۆیه‌کان چه‌ند گۆرانیه‌کم تۆمار کرد، دیارترینیان "خه‌ڵوه‌ت" له‌ ئاواز و میوزیکی‌ زانا مه‌حمود هه‌ژار، دواتریش گۆرانی "هه‌روایه
" له‌ ئامده‌کردن و میوزیکی گۆران کامیل ، به‌دوایاندا چه‌ند گۆرانیه‌کی دیكه‌‌

له‌ ساڵی ۱۹۹۸ زانکۆم ته‌واو کرد و بۆ ماوه‌ی نزیکه‌ی ۱٦ مانگ، له‌ که‌ناڵی ته‌له‌ڤزیۆنی "خاک" ده‌ستم کرد به‌ کارکردن

له‌ ئۆکتۆبه‌ری ۱۹۹۹، کوردستا
نم جێهێشت و له‌ ئینگلاند جێگیربووم

دوای ماوه‌یک دابران له‌ کاری هونه‌ری، بۆ جاری یه‌که‌م به پشت به‌ستن به‌ تواناکانی خۆم، توانیم چه‌ند تێکستێکی گۆرانی بنووسم و یه‌که‌م ئه‌لبوومی گۆرانیم به ‌ناوی "دلم مه‌شکێنه‌
" له‌ ساڵی ۲۰۰۳ بڵاو بکه‌مه‌وه‌، که‌ یه‌که‌م ئه‌زموونی من بوو له‌ بواری ئاوازدانان و نووسینی تێکستی گۆرانیدا، دلخۆش بووم له‌ ئه‌نجامی ئه‌و ئه‌لبوومه‌م و ئه‌و پێشوازیه‌ی که‌ لێی کرا، ئه‌مه‌ش وای کرد تێکستی دیکه‌ بنووسم و ئه‌لبوومی دیکه‌ بڵاو بکه‌مه‌وه‌

هەروەها "خە‌مێکی بێ کۆتایی" و "ماڵئاوایی" دوو ئه‌لبوومی گۆرانیم بوون که‌ له‌ ساڵانی ۲۰۰٤ و ۲۰۰٦ بڵاو کرانه‌وه‌، دوای ئه‌وه ‌برِیارم دا كار له‌گه‌ڵ ئاوازدانه‌ر هه‌ڵكه‌وت زاهیر بكه‌م، كه ‌له ‌ساڵی ۲۰۰٩ـدا ئه‌لبوومێكی گۆرانیم له‌رێگه‌ی ئه‌و ئاوازدانه‌روه‌، به‌ناوی "مۆم" بڵاوكرده‌وه‌، ئه‌مه‌ش یه‌كه‌م ئه‌زموونم بوو دوای دوو ئه‌لبوومی پێشووترم كه‌ تێكرِای گۆرانییه‌كان له ‌ئاواز و تێكستی خۆم نه‌بێت، به‌ڵام له ‌ساڵی ۲۰١١، ئه‌لبوومێكی نوێی گۆرانیم به‌بێ ناو بڵاوكرده‌وه‌و زۆرینه‌ی گۆرانییه‌كان له‌ تێكستی خۆم بوو

له‌ کۆتایدا ده‌مه‌وێت زۆر سوپاسی هه‌موو ئه‌و
میوزیکژه‌ن و ئه‌دیب و تێکستنووس و سپۆنسه‌ر، و هاورِێ نزیكه‌كانم بكه‌م، که‌ به‌درێژایی ژیانی هونه‌ریم هاوکارم بوون. هه‌روه‌ها سوپاسی تایبه‌تم ئاراسته‌ی ئه‌و که‌سانه‌ ده‌که‌م که‌ لێره‌دا ناویانیم نه‌هێناون

ڕێز و خۆشه‌ویستیم هه‌یه‌ بۆ هه‌موو هونه‌ردۆستان، به‌تایبه‌تی بۆ گوێگره‌کانم

ئەیوب عەلی